Ашигт малтмалын газраас ашиглалтын тусгай зөвшөөрөл авснаас хойш тухайн газартаа гурваас дээш жил үйл ажиллагаа явуулаагүй аж ахуйн нэгжүүдийн тусгай зөвшөөрлүүдийг цуцалж эхэлжээ. Тухайлбал, Баян-Өлгий аймгийн нутаг дэвсгэр дэх 30 гаруй мянган га газрыг хамарсан 24 тусгай зөвшөөрлийг хүчингүй болгоод байна.  Баян-Өлгий аймгийн газар нутагт хийсэн геологи хайгуулын судалгаагаар 30-аад төрлийн ашигт малтмалын 200 гаруй орд илэрц, тодруулбал, алт, мөнгө, зэс, цайр, гянтболд, хар тугалга, молибдений багагүй нөөцтэйг тогтоосон аж.