Орхон аймгийн Онцгой байдлын газрын даргын 2013 оны 08 дугаар сарын 27-ны өдөр баталсан “Томоохон захууд болон төвлөрсөн худалдаа үйлчилгээний байгууллага” нэгдсэн удирдамжийн дагуу улсын хяналтын байцаагч нар ажлын 3 хэсэгт хуваан Аврах, гал унтраах ангиудын 12 салааны захирагч нарыг хамруулан нийт 9 алба хаагчийн бүрэлдэхүүнтэй аймагт үйл ажиллагаа явагдаж байгаа томоохон захууд болон төвлөрсөн худалдаа үйлчилгээний байгууллага “Мэнд амар трейд” ХХК-ны Мэнд амар худалдааны төв, “Мазар” ХХК-ны Од худалдааны төв, Төгөл группын Төгөл худалдааны төв, “Даниста-Од” ХХК-ны Даниста худалдааны төв, “Далх бүрэн” ХХК, “Эрдэнэт импекс” ХХК-ны Хүлэг худалдааны төв, “Баясах мандал” ХХК-ны Бичил худалдааны төв зэрэг 6 газруудад удирдамжит шалгалтыг зохион байгуулан ажиллаа.

Шалгалтын явцад орон нутгийн MBS, ЛХА телевизүүдийн сэтгүүлчидтэй хамтран илэрсэн зөрчил дутагдлын талаар ард иргэдэд сурталчилж ажиллаа.

–    Шалгалтаар аж ахуйн нэгж байгууллагууд гамшиг осол тохиолдсон нөхцөлд ажиллах ажил үүргийн томилгоо, гамшгаас хамгаалах төлөвлөгөөнд тодотгол хийгдээгүй- 6

–    Гал түймэр гарсан тохиолдолд мэдээлэх автомат мэдээлэгч байхгүй ажиллахгүй болсон-5

–    Гал унтрааах анхан шатны багаж зэвсэглэмж /MNS5566-2005/ стандартын иж бүрдэл дутуу- 6

–     Галын дотуур усан хангамжны иж бүрдэл дутуу-3

–    Усны даралт шаардлага хангахгүй-1

–    Аврах зам гарцын схем зураг шаардлага хангахгүй – 3 зэрэг нийт 24 зөрчил дутагдал илэрснийг Гамшгаас хамгаалах улсын хяналтын байцаагчийн хугацаат үүрэг даалгавар, заавал биелүүлэх албан шаардлага өгөхөөр төлөвлөн ажиллаж байна. Шалгалт үргэлжилнэ.