Долоо хоног бүрийн пүрэв гаригт Төрийн ордны “А” танхимд Ерөнхий сайдын 30 минут уулзалт болдог. Харин өнөөдрийн уулзалт орон нутагт буюу Өвөрхангай аймагт болж байгаа гэх мэдээллийг Засгийн газрын Хэвлэлийн албаныхан өглөө.

Орон нутгийн ажил байдалтай биечлэн танилцахаар өнгөрсөн даваа гаригт хөдөөг зорьсон Ерөнхий сайд Н.Алтанхуяг Өвөрхангай аймагт 30 минут уулзалтаа хийсний дараагаа тус аймгийнхантай уулзаж хичээлийн бэлтгэл хэрхэн хангагдаж байгаа зэрэг цаг үеийн асуудлаар холбогдох хүмүүстэй уулзаж санал бодлыг нь сонсох аж. Тэрээр мөн өнгөрсөн хоногуудад Баянхонгор аймагт ажилласан юм байна.