Франц улс Шенгений гэрээний хэлэлцээрийн дагуу хүлээсэн үүргээ хэрэгжүүлэхээс түр түдгэлзэж магадгүй гэдгээ өнгөрөгч баасан гаригт мэдэгдэж, Итали улсаар дамжин Тунис, Ливи улсаас Европт хүрэлцэн ирж буй эдгээр орны цагаач иргэдийн асуудлыг шийдвэрлэх талаар  европийн бусад орнууд санаанд хүрсэн хэмжээнд ажиллаж, шаардагдах арга хэмжээ авахгүй байна хэмээн буруутгасан байна.

Францийн ерөнхийлөгчийн албаны мэдээллийн эх сурвалжийн дагуу Итали улсаас цагаач иргэдийг тээвэрлэн ирж буй галт тэрэгнүүдийг нутагтаа нэвтрүүлэн оруулахгүй байх шийдвэр авч, түр хэрэгжүүлж буй талаар мэдээлсэн ажээ.

Франц, Италийн зөрчил, маргалдааны гол утга учир нь Тунисаас Итали улсад хүрэлцэн ирсэн 20000  цагаач иргэдэд түр оршин суух виз олгож, тэд нарт Шенгений хэлэлцээрт нэгдэн орсон бусад орны нутаг дэвсгэр луу чөлөөтэй нэвтрэн орох зөвшөөрөл олгосонд оршиж байгаа ажээ.