Санхүүгийн зохицуулах хорооноос 2006 онд эрсдэлтэй байж болохуйц 165 хувьцаат компанид шалгалт хийн, зөрчлөө арилгах үүрэг даалгавар өгч байжээ. Гэтэл өдийг хүртэл тус компаниуд нь Санхүүгийн зохицуулах хороо болон Монголын хөрөнгийн биржид зөрчлөө арилгах ямарваа арга хэмжээ, мэдэгдэл хийгээгүйн улмаас 57 компанийг үнэт цаасны бүртгэлээс хаслаа. Ингэснээр 57 компани Монголын хөрөнгийн биржийн бүртгэлээс хасагдаж, үнэт цаас арилжих эрхгүй болж байгаа юм.

Тодруулбал, үнэт цаасны зохицуулалттай зах зээлд найдваргүй үнэт цаас худалдан авч алдагдал хүлээхээс хөрөнгө оруулагчдыг хамгаалах СЗХорооны бодлого, Хөрөнгийн биржийн бүртгэлийг олон улсын нийтлэг жишигт хүргэх бэлтгэлийг хангах зорилгын хүрээнд хороо 2006 оны хувьцаат компаниудад шалгалт хийж байжээ. Шалгалтаар нэр бүхий компаниуд санхүү, үйл ажиллагааныхаа тайланг олон нийтэд мэдээллэх, хувь эзэмшигчдийн хурлаа зарладаггүй зэргээр хуулийн дагуу хүлээсэн үүргээ биелүүлээгүй тул шаардлага хүргүүлж, анхааруулсаар байсан бөгөөд зөрчлөө арилгаагүй учраас ийнхүү үнэт цаасны бүртгэлээс хассан байна.

Хууль, эрх зүйн үндэслэлийг танилцуулбал, 57 хувьцаат компанийг Хөрөнгийн биржийн бүртгэлээс хасах санал, дүгнэлтийг үндэслэн СЗХорооны 2013 оны наймдугаар сарын 14-ний өдрийн хуралдаанаар тус компаниудын асуудлыг хэлэлцэж, СЗХорооны эрх зүйн байдлын тухай хуулийн 6.1.1, 6.2.2, Үнэт цаасны зах зээлийн тухай хуулийн 34.1.1 дэх заалт, УИХ-ын 2013 оны 5 дугаар сарын 24-ний өдрийн 41 дүгээр тогтоолын 1 дэх заалтын 3 дахь хэсэгт заасны дагуу нэр бүхий 57 хувьцаат компанийг Монголын хөрөнгийн биржийн үнэт цаасны бүртгэлээс хасах тухай шийдвэр гаргажээ. 

Ийнхүү СЗХорооны 278 дугаар тогтоолоор үнэт цаасны бүртгэлээс хасагдсан 57 ХК-иуд хувьцаа эзэмшигчдийн хурлаа зарлан хуралдуулж, тус хурлаараа зохион байгуулалтын хэлбэрээ өөрчлөх эсвэл татан буулгах талаар хуулийн дагуу хэлэлцэн шийдвэрлэж, шийдвэрийг СЗХорооны үнэт цаасны бүртгэлээс хасуулах хүсэлтийн хамт 2013 оны 12 дугаар сарын 1-ний өдрөөс өмнө СЗХороонд хүргүүлэхийг үүрэг болгосон байна. Хэрэв Санхүүгийн зохицуулах хороонд хүсэлтээ гаргаж, зөрчлөө бүрэн арилгаж, тодорхой шийдюэр гарвал эдгээр компаниуд  үнэт цаасны бүртгэлийн эрхээ эргэн сэргээлгэх боломжтой ажээ.

Дээрх 57 компаниас бусад компаниудад нь СЗХорооны 2008 оны 77 дугаар тогтоолоор өгөгдсөн шаардлага, анхааруулгыг сүүлийн гурван жил тогтмол биш байдлаар ч болов биелүүлж байсан учраас бүртгэлээс хасалгүй СЗХороо болон Монголын хөрөнгийн биржийн цахим хуудсаар дамжуулан компаниудын удирдлага, хувьцаа эзэмшигчдэд компанийн арилжааг сэргээх, нэмэлт хувьцаа гаргах, хэлбэрээ өөрчлөх, эсхүл татан буугдах талаар шийдвэр гаргаж, арга хэмжээ авах талаар хугацаат үүрэг өгчээ.

Үнэт цаасны бүртгэлээс хассан 57 компанийг танилцуулж байна.

№	Компанийн оноосон нэр	Үнэт цаасны код	Гаргасан хувьцааны тоо
1	"Агро-Амгалан" ХК	12	86,302
2	"Ардынзориг" ХК	60	107,797
3	"Баянмодуул" ХК	62	87,590
4	"Батхийц"ХК	76	93,254
5	"Баяндөхөм" ХК	83	91,469
6	"Цагаанчулуут" ХК	91	50,328
7	"Дэлбаянбулаг" ХК	93	177,288
8	"Сэлэнгэгур.тэж" ХК	134	787,450
9	"Ноёншанд" ХК	163	86,838
10	"Орхон"  ХК	170	75,304
11	"Залуучууд" ХК	172	337,013
12	"Хангай"  ХК	174	59,112
13	"ХужиртӨргөө" ХК	180	88,922
14	"Шархоолой" ХК	183	181,683
15	"Эрдэнэтолгойтөв" ХК	184	114,419
16	"Өргөнжим" ХК	189	70,000
17	"Мандал"  ХК	194	72,053
18	"Зоострейд" ХК	197	187,090
19	"Шахайтхайрхан" ХК	215	66,289
20	"Баянхонгоргео" ХК	222	139,734
21	"Сайншанд"  ХК	250	63,681
22	"Увс" ХК	251	95,216
23	"Жаргалант-Төв" ХК	268	293,461
24	"Баянбулаг-Сэлэнгэ" ХК	270	51,097
25	"Мерей" ХК	272	78,187
26	"Буянтбулаг" ХК	277	154,009
27	"СэлэнгэХүрд " ХК	281	50,351
28	"Ижбүрэн" ХК	283	55,637
29	"Ихдаац" ХК	292	79,808
30	"Тээвэрцагааннуур ХК	293	68,151
31	"Автотээвэр-27" ХК	294	62,107
32	"Автодаац" ХК	295	73,343
33	"Увсхийц" ХК	304	157,758
34	"Жоншиттээвэр"ХК	305	160,057
35	"Туруун" ХК	324	50,310
36	"Монголэдимпекс"	342	1,164,066
37	"Халхбуудай" ХК	348	266,663
38	"Атартөв" ХК	350	249,228
39	"Хангайнцарам" ХК	357	147,489
40	"Гүнгалуут" ХК	363	187,516
41	"Ус-Архангай" ХК	368	67,841
42	"УгтаалТөв" ХК	371	242,556
43	"Тахилгат" ХК	400	243,975
44	"Шинэ-Өргөө" ХК	416	63,792
45	"НалайхӨргөө" ХК	419	211,630
46	"Баянхаан" ХК	427	100,250
47	"Жимст"ХК	442	58,563
48	"Говьшанд"ХК	443	181,267
49	"Цагааннуур"ХК	446	1,379,008
50	"Алтанүсэг" ХК	463	59,367
51	"Хүнс-Төв" ХК	472	452,206
52	"Алтандуулга" ХК	473	464,891
53	"Ундрам" ХК	474	322,317
54	"Зүүнхараа-Өргөө" ХК	475	50,096
55	"Чандгана" ХК	390	95,496
56	"Асгат" ХК	253	96,182
57	"Баянбадрах" ХК	169	143,744