Хятадын нийслэл Бээжин хотын дөрвөн ч өндөр барилга галд шатсаны улмаас 17 хүн амь эрсэдсэн эмгэнэлт хэрэг гарчээ.  Мөн өөр 24 хүн гэмтэж шархадсан гэж мэдээллийн хэрэгслүүд мэдээлсэн байна. Өмнө нь өнгөрсөн оны 11-р сард мөн л Бээжин хотын томоохон дэлгүүрийн барилга галд өртсөнөөс 58 хүн амь үрэгдсэний дараа Хятад улс энэ асуудалд анхаарал хандуулах болсон ч энэ осол ийнхүү ахин давтагджээ. Энэ хэрэг явдал өнөөдөр өглөө эрт гарсан гэж ВВС агентлаг уламжилж байна.