Олон улсын хөтөлбөрийн сургалттай төрийн өмчийн ерөнхий боловсролын “Шинэ эрин”, “Шинэ эхлэл”, “Монгол тэмүүлэл” сургуулиудад суралцах хүсэлтэй сурагчдыг сонгон шалгаруулах бүртгэл наймдугаар сарын 15-26-ны хооронд Боловсролын үнэлгээний төвийн байранд зохион байгуулагдаж өнөөдөр дуусах гэж байна. Сонгон шалгаруулалт нийт 550 гаруй хүүхэд бүртгүүлсэн байна.

Хаана шалгалт өгөхөө наймдугаар сарын 27-ны өдөр Боловсролын үнэлгээний төвийн www.eec.mn веб хаягаар орж мэдэх боломж.

Шалгалтыг наймдугаар сарын 28-ны өдөр Чингэлтэй дүүргийн 24 дүгээр сургууль дээр 10:00 цагаас эхлэн зохион байгуулна. Иймд шалгалтын цагаас өмнө шалгалтын байранд ирсэн байх шаардлагатай. Бүртгүүлсэн сурагчид шалгалтад ирэхдээ бүртгэлийн хуудас, үзэг харандаатай ирэх бөгөөд ном, дэвтэр ноорог цаас оруулахгүй болохыг анхаараарай. Шалгалтын дүн оноог наймдугаар сарын 29-нд www.eec.mn сайтаар зарлана.