“Бөхийн өргөө”-ний уулзварыг бүх чигийн хөдөлгөөнтэй дөрвөн замын уулзвар болгох зам засварын ажил дуусч, өнөөдөртөө багтан тус уулзварын зорчих хэсгийн хөдөлгөөнийг нээхээр болжээ. Энэ уулзварыг наймдугаар сарын 24-нд нээх байсан ч тодорхой шалтгааны улмаас өнөөдрийг хүртэл хойшлуулаад байсан юм.

“Гудамж” төслийн хүрээнд тохижуулж буй “Бөхийн өргөө”-ний уулзварыг дөрвөн замын уулзвар болгох ажлын зураг төслийг “Танил санаа” ХК боловсруулж, гүйцэтгэлийг “Төгс Үржих зам” ХХК гүйцэтгэжээ.