Олон улсын мэдрэлийн эмч нар Дархан-Уул аймагт чууллаа. Чуулганы үеэр харилцан арга туршлагаа солилцох сургалтанд манай улсаас 21 аймаг, нийслэлийн бүх дүүрэг, клиникийн гурван том эмнэлгийн мэдрэлийн эмч нар оролцож, Европоос ирсэн эмч, профессорууд хичээл заажээ.

Герман улсын мэдрэлийн эмч доктор С.Зийрц, профессор А.Людольф нар хэлэхдээ “-Мэдрэлийн гаралтай өвчнийг зөв оношлоход суралцахын зэрэгцээ дэвшилтэт багаж, тоног төхөөрөмж ашиглан эмчилгээг шуурхай үр дүнтэй хийх арга барилыг зааж эзэмшүүлэх нь бидний зорилго” гэлээ. Дархан-Уул аймгийн мэдрэлийн тэргүүлэх зэргийн эмч Ж.Баярсайхан, олон улсын энэ удаагийн чуулганыг зохион байгуулахад туслалцаа үзүүлсэн Дарханы “Монгол Алт” компани, аймгийн Эрүүл Мэндийн Газарт эмч нарынхаа өмнөөс талархсанаа илэрхийллээ. Монголын Мэдрэлийн Эмч Нарын Нийгэмлэгийн гүйцэтгэх захирал Ж.Ариунаа чуулганыг удирдан явуулжээ.