УИХ-ын гишүүд БНСУ-ын парламентийн гишүүдтэй өнөөдөр ТЭЦ-IV-ийн “Эрчим” багийн талбайд нөхөрсөг тоглолт зохион байгуулахаар төлөвлөсөн боловч тоглолт цуцлагдсан байна.

Нөхөрсөг тоглолтод оролцох хөлбөмбөгчдийн багийг Засгийн газрын хэрэг эрхлэх газрын дарга Ч.Сайханбилэг ахлаж, гишүүн Д.Сумъяабазар, Х.Баттулга, Н.Номтойбаяр, Ж.Батзандан, Д.Батцогт, Н.Энхболд, Х.Тэмүүжин, О.Баасанхүү, Б.Чойжилсүрэн, С.Ганбаатар зэрэг 16 хүнээс бүрдсэн хөлбөмбөгийн баг өрсөлдөхөөр бэлтгэж байсан боловч БНСУ-ын талаас тодорхой асуудал гарсны улмаас тоглолтыг цуцлахыг хүссэн тул ийнхүү тэмцээн болсонгүй.