Туркийн Анкара хотод ирэх есдүгээр сарын 30-31-ны өдрүүдэд “MEMORIAD-2013” ой тогтоолт, цээж бодолтын олон улсын нээлттэй тэмцээн болно. Тус нээлттэй тэмцээнд 121 орны оюуны спортын тамирчид нийт арван төрлөөр өрсөлдөх бөгөөд Монголын оюун ухааны академийн гурван тамирчин, дасгалжуулагчийн хамт оролцох аж.

Монголын оюун ухааны академийн захирал Х.Хатанбаатар дасгалжуулагчаар ажиллана. Тэмцэний бага насанд Г.Тэмүүлэн (2013 оны ой тогтоолтын улсын дэд аварга), дунд насанд Ц.Бат-Эрдэнэ (2013 оны улсын дэд аварга), дунд нас болон насанд хүрэгчдэд Б.Намуунтуул (2013 оны улсын аварга) нар оролцоно гэж Монголын Оюун ухааны академиас мэдээлэв.