Дуучин Б.Дашдондог, жүжигчин Дашка болжээ. Тэрбээр “Хүний хүүхэд” хэмээх киноны гол дүрд тогложээ. Энэ кино нь өчигдөр “Тэнгис” кино театрт сүр дуулиантай нээлтээ хийлээ. Нээлт улаан хивсний ёслолоор эхэлсэн бөгөөд рок попын одод цугласан үдэш болж өнгөрөв. Энэ нь дуучин Дашкаг урлагийнхан дундаа хэр нэр хүндтэй хүн болохыг нь илтгэж байх шиг.
“Хүний хүүхэд” киног болсон явдлаас сэдэвлэж хийсэн гэсэн. Киноны гол дүрд Гавьяат жүжигчин, дуучин Б.Дашдондог, Т.Ариунбулаг, Б.Сүхболд, Гавьяат жүжигчин Б.Магсаржав, залуу жүжигчин Сүхээ нар тогложээ. Кино нээлтээ хийсэн даруйдаа үзэгчдээс өндөр үнэлгээ авсан. Ялангуяа дуучин Дашка. Тэрбээр энэ киног жинхэнэ амьдруулсан ч гэж хэлж болно. Ямар ч жүжигчнээс илүүтэй дүрээ гаргаж, амилуулж чадсан дуучин Дашкаг одоо жүжигчин, тэр дундаа “мундаг” жүжигчин хэмээн урлагийнхан өндрөөр үнэлж байна.