Өнгөрөгч баасан гаригт Завхан аймгийн Тосонцэнгэл сумын нутаг дэвсгэрт хүн тээвэрлэж явсан ЗАА 62-82 дугаартай “Зил-131” автомашин онхолдож, дөрвөн хүн газар дээрээ нас барж, хоёр нь хүнд гэмтэл авчээ.  Ослын газарт эмч, цагдаа, прокурорын байгууллагаас нийт 12 хүний бүрэлдэхүүнтэй ажлын хэсэг  очиж ажиллан, гэмтэж бэртсэн  хоёр хүнийг аймгийн төвийн эмнэлэгт хүргэсэн байна.