Сирийн хэд хэдэн хотод өчигдөр эсэргүүцлийн жагсаал болох үеэр наад зах нь 40 хүн амь үрэгдсэн тухай ВВС News мэдээллээ. Харин "Аль-Арабия" телевизийн мэдээнд 68 жагсагч амиа алдсан гэв.
Сирийн нийслэл Дамаск, Хомс, Хама, Дераа хотод жагсаал болсон бөгөөд тэднийг зөвшөөрөлгүй жагсаал хийсэн гэж цагдаагийнхан дайран тараажээ. Жагсагчид Сирид улс төрийн гүнзгий шинэчлэл хийхийг шаардсан байна. Эрх баригчид галт сум хэрэглэсэн гэдгийг үгүйсгэн жагсагчид болон энгийн хүмүүсийн хооронд мөргөлдөөн гарсан гэв. Жагсагчдын яриагаар тэдний эсрэг гал нээсний улмаас олон хүн амиа алджээ.