Үндэсний аюулгүй байдлын зөвлөлийн хуралдаан өнөөдөр үдээс хойш болсон байна. Тус зөвлөлийн бүрэлдэхүүнд Монгол Улсын Ерөнхийлөгч Ц.Элбэгдорж, УИХ-ын дарга Д.Дэмбэрэл, Ерөнхий сайд С.Батболд нар багтдаг бөгөөд ашигт малтмалын ордуудтай холбоотой асуудлыг авч хэлэлцсэн гэх мэдээлэл байна.

Үндэсний аюулгүй байдлын зөвлөлийн хурал болсонтой холбоотойгоор Засгийн газрын ээлжит бус хуралдаан ирэх долоо хоногт болж, хойшлогджээ. Мөн дээрх хуралдаантай холбоотойгоор УИХ-ын чуулганы үдээс хойшхи хуралдаанд УИХ-ын дарга оролцож чадсангүй. Иймд хуралдааныг УИХ-ын дэд дарга Г.Батхүү удирдлаа.