Мэдрэгчтэй дэлгэцтэй BlackBerry-ийн өөр нэгэн загвар удахгүй худалдаанд гарч эхлэх гэж байгаа тухай шуугиж эхэллээ. Энэ удаа танилцуулах гэж буй загвар нь BlackBerry Curve Touch бөгөөд ирэх тавдугаар сард үйлдвэрлэлээс гарч, хэрэглэгчдийн гар дээр хүрч магадгүй байна. Шинэ Curve Touch нь кэйбоардгүй, бүхэлдээ мэдрэгчтэй дэлгэцтэй болсноороо өмнөх Curve загвараас ялгарах ажээ.

Curve Touch нь GSM системийн сүлжээтэй бөгөөд 800MHz-ийн процессор, 512MB-ийн шуурхай санах ой, 3,25 инчийн мэдрэгчтэй дэлгэц, өндөр нягтаршилтай видео бичлэг хийх чадамжтай 5 мегапикселийн үзүүлэлт бүхий камертай юм байна. АНУ-ын Флорида мужид ирэх тавдугаар сарын 3-аас 5-ны өдрүүдэд BlackBerry World нэртэй чуулган зохиогдох бөгөөд энэ үеэр шинэ загварын гар утасны тухай дэлгэрэнгүй мэдээллийг албан ёсоор танилцуулах юм.