“Эх орон-Тусгаар тогтнол-Шударга ёс” үндэсний хөдөлгөөнөөс зохион байгуулж буй Ард түмний их хуралдай үргэлжилж байна. Хоёр хоног үргэлжлэх уг хуралдаанд иргэд, олон нийтийн төлөөлөл үг хэлж байгаа бөгөөд “МАНАН-г бид л алга болгож чадна. Төрийн луйварчдын гараас бид л эх орноо чөлөөлж чадна. Гадны хэн нэгний гар хөл болсон эрх баригчдын гайгаар эх орны байгалын баялаг үнэгүйгээр гадагш урсаж, далд колончлол, үнийн хөөрөгдөл, ажилгүйдэл, ядуурал, өр шир, өвчин зовлон ард түмнийг минь сөхрүүлж байна” гэх зэргээр шүүмжлэн үүний буруутанг одоогийн эрх баригчид хэмээн тодорхойлж байна.

Өнөөдрийн хуралдаанд зургаан бүс нутгаас ирсэн төлөөлөгчид ийнхүү байр сууриа илэрхийлэх бөгөөд маргаашийн хуралдаанд Н.Энхбаяр, Үндэсний шинэ намын дарга М.Энхсайхан нар илтгэл тавихаар болжээ.