Наймдугаар сарыг олимпийн сар, дэлхий нийтийн олимпийн баярт өдрүүд гэлтэй.

Одоогоос таван жилийн өмнө буюу 2008 оны 8 дугаар сарын 8-ны энэ өдөр монголчуудын түүхэнд алтан үсгээр бичигдэх түүхэн олимпийн наадам нээлтээ хийж байсан бол 2012 оны наймдугаар сарын 8-нд Гавьяат тамирчин Соронзонболдын Батцэцэг Лондонгийн олимпиос Монголын чөлөөт бөхийн тамирчдын 32 жил хүлээсэн хүрэл медалийг энгэртээ гялалзуулж байлаа.

Цаашилбал, наймдугаар сарын 11-нд боксчин У.Мөнх-Эрдэнийн хүрэл медалийн, наймдугаар сарын 12-нд Гавьяат тамирчин Н.Төгсцогтын мөнгөн медаль хүртсэний нэг жилийн баярын өдрүүд болно. Харин наймдугаар сарын 14-нд олимпийн анхны алтан медаль хүртсэн өдөр тохиох бол наймдугаар сарын 24-нд олимпийн аварга Э.Бадар-Ууганы алт, П.Сэрдамбын мөнгөн медалийн, наймдугаар сарын 13-нд Хөдөлмөрийн баатар О.Гүндэгмаагийн мөнгөн медаль хүртэж, монголчууд нийтээрээ хязгааргүй их баяр хөөрт умбаж байсны таван жилийн ойн өдрүүд тохиох нь ээ.