Азийн триатлоны холбооноос долдугаар сарын 31-нээс наймдугаар сарын 8-ны хооронд БНСУ-ын Чежүд залуу эмэгтэй триатлончдын нэгдсэн цугларалт зохион байгуулж байна. Уг цугларалтад Монголын триатлоны холбоог төлөөлж, 2012 оны улсын аварга, спортын дэд мастер Э.Сүрэнням, дасгалжуулагч Н.Туул нар Чежүд очжээ. Цугларалтыг Канад, БНСУ, Хонгконгийн сургагч багш нар удирдаж, 10-аад орны триатлонч бүсгүйчүүд оролцож байгаа ажээ.