МАН-ын Бага хурал өнөөдөр 10.00 цагт Тусгаар тогтнолын ордонд болох байсан ч одоо болтол эхлээгүй баййна. Өнөөдөр 09.00 цагт хуралдаж эхэлсэн МАН-ын Удирдах зөвлөлийн хурал ч мөн тараагүй байна. Тус хурлаар Бага хурлыг хойшлуулах арга хэмжээ авах талаар ярилцаж буй гэдгийг эх сурвалж мэдээллээ.

Харин “Шинэчилье” хөдөлгөөнийхөн МАН-ын удирдлагуудыг ирц бүрдүүлж чадахгүй, санаатайгаар ирц бүрдүүлэхгүй байна гэсэн байр суурь илэрхийлээд байна. МАН-ын Удирдах зөвлөлийн хурал үргэлжилж байгаа бөгөөд хурал дууссаны дараа Бага хурлыг эхлүүлэхээр төлөвлөжээ. Гэвч 310 гишүүнтэй Бага хурлын ирц бүрдэхгүй байна.