Линдсей Лохантай хамт ээж охин хоёр солигддог хөгжилтэй тvvхийг харуулсан “Хөгтэй баасан гариг” киногоор нь бидний сайн мэдэх жүжигчин Жейми Ли Кёртис өчигдөр авто машины  осолд орон, Лос-Анжелосийн эмнэлэгт хүргэгджээ.

Түүний ойрын эх сурвалжийн хэвлэлд мэдэгдсэнээр “Yukon Suv” маркйн машинтай явж байсан Кёртис “Bmw” машинтай мөргөлдсөнөөс болж осол гарсан бөгөөд Кертис болоод мөргөлдсөн машины жолооч хоёулаа эмнэлэгт хүргэгдсэн байна. 

Осол гарсны дараа нэрт жүжигчин эхэлж түргэн тусламж дуудан албаныханд мэдэгджээ. Одоогоор түүний биеийн байдлын талаар эмч нар тодорхой зүйл мэдээлээгүй ч хэвлэлийн төлөөлөгч нь энэ тухай албан ёсоор мэдэгдэх аж.