Баянгол дүүргийн ХХ хороо “Эрин интернэйшнл” ХК-ийн байранд хамгаалалтын албаны дарга нь хий цацсаны улмаас хамгаалалтын ажилтан 41 настай А нас барж, 19 хүн энэ сарын 20-нд  Хордлогын төвд хүргэгджээ. Нийслэлийн Онцгой байдлын газрын ажилтнууд тухайн албан байгууллагын тасалгаанааc сорьц авч шинжлэхэд ямар нэгэн химийн бодис илрээгүй байна.

 Тухайн өдөр Хордлогын төвд хүргэгдсэн 18 хүнд зөвлөгөө өгч буцаасан бол 19 настай жирэмсэн эмэгтэйг хяналтад авч, хэвтүүлэн эмчилж байгаа гэнэ. Хэвтэн эмчлүүлж буй эмэгтэйн бие харьцангуй сайжирч байгаа аж.