“Монгол орны нөөцийн менежмент бүхий хамгаалалттай газар нутгийн сүлжээ” төслийн хамтран ажиллах санамж бичигт гарын үсэг зурах ёслол өнөөдөр БОНХЯ-ны “Хаан” танхимд боллоо. НҮБ-ын Суурин төлөөлөгч Сизан Шинаноглу, БОНХ-ийн Сайд С.Оюун нарын үзэглэсэн эл төсөл энэ оноос эхлэн таван жилийн хугацаатай хэрэгжих юм. БОНХ-ийн сайд С.Оюун төсөл хэрэгжсэнээр нутгийн иргэдийн оролцоо нэмэгдэхийг онцлов.

Уг төсөл нь Тусгай хамгаалалттай газар нутгийн сүлжээг өргөтгөх зорилгоор шинэ ангиллыг бий болгох, байгалийн нөөцийн менежменттэй тусгай хамгаалалттай газар нутгийн тогтвортой байдлыг хангаж, бүтцийн чадавхийг бэхжүүлэх зорилготой. Төслөөр нутгийн иргэдийн нөхөрлөлүүдийн чадварыг нэмэгдүүлснээр орон нутгийн тусгай хамгаалалттай газрууд, биологийн олон янз байдлыг хамгаалахад ихээхэн  үр дүн гарна хэмээн хүлээж буй юм.