Уг үзэсгэлэнд ҮХААЯ-ны удирдлагууд, УГТСЭШХ, "Монгол төмс” хөтөлбөр, АГРОТРАК, ВАГНЕР АЗИ, ЭНСАДА ТРАКТРОН, ИНТОСЭ, АГРОМАШ зэрэг компани оролцох юм байна. Үзэсгэлэнд оролцогч компаниуд үзэсгэлэнгийн талбайд тариаланчдад санал болгож байгаа техникүүдээ эгнүүлэн тавьж сонирхуулж худалдан борлуулж ажил хэргийн харилцаа тогтоож түншийн гэрээ хэлцэл байгуулж захиалга авах гэнэ. Тэдгээр техникүүдийнхээ техникийн үзүүлэлт, үйлчилгээ, бүтээмж, хөрс боловсруулдалт, тариа ногоо хураах техникийн үйлдлүүд, засварын ойр зуурын үзүүлбэрүүдийг биечлэн үзүүлж сурталчлах юм.
Мөн үеэр үндэсний үйлдвэрлэгчдийн хүнсний бүтээгдэхүүн, шинэ ургацын жимс, жимсгэнэ, хүнсний ногооны амталгаат худалдааг зохион байгуулахаар төлөвлөсөн тухай Аймгийн ЗДТГ-ын Хөгжлийн бодлогын хэлтсийн ахлах мэргэжилтэн н.Энхбаяр ярилаа.