АНУ-ын ерөнхийлөгч Барак Обама Хойд Каролина мужийн хэд хэ­дэн тойргийг гамшгийн бүсээр зар­лав. Энэ тухай Reuters мэдээлж байна.

Холбооны төвшинд гамшгийн бүсэд багтсан нутаг дэвсгэр нь Ва­шинг­тоноос шууд санхүүжилт авдаг аж. Обамагийн шийдвэрийн дагуу 10 тойргийн эд хөрөнгөөр хуй салхинд нэрвэгдсэн хувь хүмүүс санхүүгийн тусламж авахаар бо­лов. Мөн найман тойргийн засаг захир­гаа холбооны төсвөөс мөнгө авна.

Хойд Каролина мужийн захирагч Беверли Пердью (Beverly Perdue) ням гаригт онц байдлыг зарласан юм. Дараа нь тэрбээр мужийн 18 тойргийг холбооны төвшинд гамш­гийн бүсээр зарлуулах хүсэлтээ Вашингтонд гаргажээ. Хуй салхи энэ сарын 14-нөөс Америкийн төвийн болон зүүн өмнөд хэсгийн бүх мужаар дайран өнгөрч, Хойд Каролина мужаас гадна Арканзас, Виржиния болон Алабама байга­лийн гамшигт  хүчтэй нэрвэгджээ. Гамшгаар  наад зах нь 45 хүн амиа алд­саны 22 нь Хойд Каролина му­жийнх  байжээ. Хуй салхины ули­рал үргэлжлэх бөгөөд гамшиг төвийн нутгаар дайрч магадгүй гэнэ.