Ромын Пап Францис гадаад улсад хийх анхны айлчлалаа Бразиль улсаас эхлүүлэх болсноо мэдэгджээ. Тэрээр айлчлалын хүрээнд долдугаар сарын 22-28-нд Рио-де-Жанейро хотноо болох Дэлхийн католик шашинт залуучуудын фестивальд оролцох юм байна.

Дэлхийн католик шашинт олон мянган залуус хүрэлцэн ирэх шашны энэхүү томоохон арга хэмжээ Рио хотын алдарт Копакабана далайн эрэгт болох аж. Тэргүүн хамба Бразильд хийх айлчлалынхаа үеэр олныг хамарсан энэхүү арга хэмжээнд  оролцох болсонтой холбоотой тус улс папын аюулгүй байдлыг хангаж  22 мянган хамгаалалтын ажилтан ажиллуулахаар болжээ.