УИХ-ын хаврын чуулганыг өнгөрсөн долоо хоногийн лхагва гаригт хааснаар түшээдийн амралт эхэлж үндсэндээ наадам хэсдэг ажилтай болсон бол Засгийн газрын гишүүд ч мөн дагаж амралтаа авсан бололтой. Долоо хоног бүрийн даваа гаригт Засгийн газраас “Бүтээн байгуулалтын цаг” уулзалтыг сэтгүүлчдэд нээлттэй хийж ирсэн бол энэ өдрийнхийг хойшлуулж ирэх даваа гариг болгожээ. 

Хийж бүтээсэн ажилгүй болохоор хэлж ярих зүйл маруухан байгаад “Бүтээн байгуулалтын цаг”-аа хойшлуулсан юм биш байгаа даа гэж хэлэх хүн гарч байна. Гэхдээ ингэж үзэх нь наадмыг умартан ажиллаж байсан олон арван залуусын хөдөлмөрийг үнэгүйдүүлсэн хэрэг болох болов уу. Зарим барилгын компаниудын ажил наадмын өдрүүдэд ч үргэлжилж байсан. Гол нь Засгийн газрын гишүүд наадмын баяр цэнгэлээсээ салж ядан зарим нэг уламжлал болсон уулзалтаа ийн цуцалж байх шиг. Ингэхэд Ерөнхий сайд долоо хоног бүрийн пүрэв гаригт зарладаг 30 минут уулзалтаа мөн хойшлуулж ажилгүй Ерөнхий сайд гэсэн хоч зүүх юм биш байгаа даа.