Сүхбаатар аймгийн баяр наадам долдугаар сарын 10-11-ны өдрүүдэд Баруун-Урт суманд боллоо. Хүчит бөхийн барилдаанд аймгийн заан Бүрнээгийн Сэнгэдорж найм даван түрүүлж аймгийн арслан цолонд хүрч, Онгон сумын харьяат "Аварга" дээд сургуулийн оюутан Болор-Эрдэнийн Номиндалай үзүүр булааж харцага цолоо заан болголоо. Мөнххаан сумын харьяат өнгөрсөн жилийн начин Дамдинсүрэнгийн Батболд, аймгийн начин Батсугарын Зоригтбаатар нар аймгийн харцага цолонд хүрчээ.

Уулбаян сумаас гаралтай Рэгдэлийн Анхбаатар наймд үлдэж чимэг нэмсэн бол Сүхбаатар сумын Өнөбаяр, Баяндэлгэрийн Бат-Эрдэнийн Даваажаргал, Наран сумын харьяат Мөнхбат нар аймгийн начин боллоо.