Орхон аймгийн Баян-Өндөр сумын Малчин багийн нутагт үйл ажиллагаа явуулдаг уулын баяжуулах “Эрдэнэт” үйлдвэрийн “18 дугаар карьер”-ийн тогтоол усанд хоёр хүн осолджээ. Иргэдийн мэдээллийн дагуу аймгийн Онцгой байдлын газрын албан хаагчид ажиллаж, 21 настай хоёр залуугийн цогцсыг карьерийн уснаас гаргажээ.

Талийгаачдын үхлийн шалтгааныг Орхон аймгийн цагдаагийн хэлтэст шалгаж эхэлжээ.