Улсын дуурь бүжгийн эрдмийн театрын тайзнаа энэ сарын 16-нд “Тунгалаг тамир” мюзиклыг анх удаа тоглосон. Энэхүү мюзиклыг Төрийн хошой шагналт зохиолч Ч.Лодойдамбын “Тунгалаг Тамир” романаас сэдэвлэн бүтээжээ. Төрийн шагналт, хөгжмийн зохиолч Ц.Нацагдорж агсны мэндэлсний 60 насны ойг тохиолдуулан энэхүү мюзиклыг Улсын дуурь бүжгийн эрдмийн театрын уран бүтээлчид, театрын шилдэг тенор, Гавьяат жүжигчин Д.Ганхуягын найруулгаар тоглож байгаа юм.

“Тунгалаг тамир” мюзиклыг энэ сарын 23-нд УДБЭТ-т дахин нэг удаа тоглох бөгөөд Эрдэнэ-Б.Баатархүү, Итгэлт- Д.Ганхуяг МУГЖ, Д.Шагдарсүрэн, Долгор- Ж.Иймаа, Ц.Алтантуяа, Дулмаа- Б.Урангоо, Б.Уранчимэг, Төмөр- О.Батбаатар, А.Анар-Эрдэнэ, Түгжил- Б.Мөнхтөр, Бадарч тахар- Х.Тамир, Галсан-С.Баттулга, Д.Шагдарсүрэн, Довчин бэйс- Б.Энхсайхан, Гэрэл-Д.Цэрмаа, Б.Нямсүрэн, Хятад тогооч- С.Баттулга, М.Даваадорж, Бат Эрдэнийн хүүхэд – Б.Ганцогт, Хонгор- Д.Эрдэнэ-Очир, Гэрийн эзэн- О.Анхбаяр нар тус тус тоглох юм.