УИХ-ын чуулганы пүрэв
гаригийн үдээс өмнөх
хуралдаанаар Мэдээллийн ил тод байдал ба мэдээлэл авах эрх, эрх чөлөөний тухай, Мэдээллийн ил тод байдал ба
мэдээлэл авах эрх, эрх чөлөөний тухай хуулийг дагаж мөрдөх
журмын тухай хуулийн төслийг
хэлэлцээд гишүүдийн 86 хувийн саналаар “Хэлэлцэх нь зүйтэй” хэмээн үзлээ.

Дээрх хууль
батлагдсан нөхцөлд төрийн байгууллагуудын мэдээлэл олон нийтэд ил болох юм. Тодруулж хэлбэл, иргэн хүн төрийн
байгууллагуудын үйл ажиллагаатай холбоотой мэдээллийг авах эрх энэ хуулийн хүрээнд үүсэх юм. Хэлэлцүүлгийн шатанд УИХ-ын гишүүдийн зүгээс хэвлэл мэдээллийн хэрэгслүүд улстөрчид болоод
бизнесийн бүлэглэлийнхний мэдэлд байгаа үед энэ хуулийг батлаад үр дүн гарахгүй. Эхлээд мэдээллийн хэрэгслийг хараат бус
болгох ёстой” хэмээн үзлээ.  Харин Засгийн газрын хэрэг эрхлэх газрын дарга
Ч.Хүрэлбаатар “Энэ хуулийн хүрээнд төрийн байгууллагын үйл ажиллагааг
ил тод болгож, иргэд хүссэн мэдээллээ олж авах боломжийг нээлттэй болгоход чиглэж байгаа болохоос хэвлэл
мэдээллийн байгууллагын эрх чөлөөний тухай асуудал нь тусдаа хуулиар зохицуулагдах
учиртай” гэсэн хариулт өгч байна.

Г.Дарь