Монгол Улсын Ерөнхийлөгч Ц.Элбэгдорж иргэддээ хандан үг хэлснээр УИХ-ын хүндэтгэлийн чуулган өндөрлөлөө. Тэрээр “Дэлхийн олон улс оронтой урдын бүтээлч хамтын ажиллагааг үргэлжлүүлнэ. Хариуцлагатай нээлттэй, хууль дээдлэдэг хөрөнгө оруулагчидтай хамтран ажиллана. Монгол газар шороон дээр 2 сая 900 мянга дахь иргэн төрж байна. Ерөөлөөр Монголчууд улам олуулаа болж байна. Хүний орчлонд дөнгөж мэндэлж байгаа иргэд маань агаар нь цэвэр, ус нь тунгалаг, эрүүл шударга орчинд өсч бойжих ёстой. Бид хамтдаа Монгол Улсынхаа төлөө зүтгэх ёстой” гэж үгээ өндөрлөсөн бөгөөд ард түмний хурайлсан дуугаар хүндэтгэлийн чуулган хаалтаа хийлээ.