Их Британийн хатан хааны гэр бүл дахин шинэ угтан авах гэж буй баярт мэдээг Букингемийн ордноос өчигдөр албан ёсоор мэдэгджээ. Хатан хааны гэр бүлийн хэвлэлийн албанаас мэдээлснээр  II Элизабетийн зээ охин Зара Тиндалл хөл хүнд болж анхны хүүхдээ төрүүлэх гэж байгаа нь энэ аж.

Тэрээр хатан хааны хоёрдахь хүүхэд Гүнж Энний ганц охин бөгөөд Майк Тиндал хэмээх Английн нэртэй регбигийн тамирчинтай 2011 оны долдугаар сарын 30-нд хуримлажээ. Хааны удмын гэр бүлээс Уэльсийн хунтайж Уильям мөн энэ сарын дундуур анхныхаа хүүхдийг угтах бол гүнж Энний охин Зара ирэх оны эхээр хүүхдээ төрүүлэх юм байна.