Рэппэр Wiz-ийн найз бүсгүй, загварын ертөнцийн хамгийн дуулиан, шуугиантай моделиудын нэг Эмбер Роуз өнгөрөгч хоёрдугаар сард хүүтэй болсон билээ. Харин өчигдөрхөн олны танил хосууд ээлжит баярт мэдээгээ өөрсдийн твиттер хуудсаараа олонд дэлгэжээ. Учир нь Роуз, Wiz  нар саяхан гэрлэлтээ батлуулж хуримын ёслолоо энэ оны сүүлээр хийхээр төлөвлөн, хуримандаа гэр бүл ойр дотны найзуудаа урих гэнэ.

Хосууд өнгөрөгч оны гуравдугаар сард сүй тавьж Wiz эрдэнийн чулуун бөгжөөр Эмберт бэлэг барьж байжээ. Харин тэд төрөөд тавхан сар болж буй хүүдээ Сибестиан Тейлор Томаз хэмээх нэр хайрласан гэнэ.