Монгол Улсын Ерөнхийлөгчөөр дахин сонгогдсон Ерөнхийлөгч Ц.Элбэгдорж маргааш 11.40 цаг буюу морин цагт тангараг өргөнө. 2013 оны Ерөнхийлөгчийн сонгуульд МАН-ын нэр дэвшигч Б.Бат-Эрдэнэ, МАХН-ын нэр дэвшигч Н.Удвал нартай өрсөлдөн олонхийн санал авсан Ц.Элбэгдорж Ерөнхийлөгч анх удаа Сүхбаатарын талбайд буюу ард түмнийхээ дунд тангараг өргөх юм.

Тангараг өргөх ёслолын үеэр УИХ-ын хүндэтгэлийн хурал болох бөгөөд цэргийн жагсаал зохион байгуулна. Зохион байгуулагчдын зүгээс өнөөдрөөс Чингисийн хөшөөний өмнөх талбай, тангараг өргөх тайзыг засч бэлтгэж байна.