Хүй долоон худагруу автобусаар 700 төгрөгөөр зорчино

Үндэсний их баяр наадмын өдрүүдээр нийтийн зорчигч тээвэр 08:00-22:30 хүртэл иргэдэд үйлчлэх юм.

Үндсэн 78 чиглэлд 594 их багтаамжийн автобус, тролейбус, туслах 28 чиглэлд 184 бага багтаамжийн автобус, хот орчмын зуслангийн чиглэлд бага багтаамжийн 10 автобус, Хүй 7 худагт их, бага багтаамжийн 50 автобус нийт 838 тээврийн хэрэгсэл үйлчилгээнд гарна гэж нийслэлийн Тээврийн газраас мэдээллээ.

11, 12-нд “Хүй 7 худаг-Төв цэнгэлдэх” чиглэлийн их багтаамжийн автобус М.Гандийн гудамжны автобусны зогсоолоос, 13-нд “Хүй 7 худаг-МУБИС” чиглэлд МУБИС-ийн баруун талын автобусны зогсоолоос явах юм.

Үндэсний их баяр наадам, Ардын хувьсгалын 92 жилийн ойн баяраар хурдан морь барианы “Хүй 7 худаг” хүрч үйлчлэх автобусаар зорчих үнэ

д/д	Чиглэлийн нэр	Тээврийн хэрэгслийн төрөл	Тээврийн хэрэгслийн тоо	Зорчих үнэ
				Том хүн			Хүүхэд
1	Хүй 7 худаг –Офицерүүдийн ордон	Бага багтаамжийн автобус	4	1000			300
2	Хүй 7 худаг -7 буудал	Бага багтаамжийн автобус	4	1000			300
3	Хүй 7 худаг –III, IV хорооллын эцэс	Бага багтаамжийн автобус	4	700			300
4	Хүй 7 худаг -5 шар	Бага багтаамжийн автобус	4	700			300
5	Хүй 7 худаг –Ханын материалын комбинат	Бага багтаамжийн автобус	4	700			300
6	Хүй 7 худаг –Төмөр замын буудал	Бага багтаамжийн автобус	10	300			100
Бага багтаамжийн автобусны дүн			30
7	Хүй 7 худаг –Төв цэнгэлдэх хүрээлэн	Их багтаамжийн автобус	20		800	300
Нийт дүн			50

Харин Төв цэнгэлдэх хүрээлэнрүү нийт 31 чиглэлээс 256 автобус 08:00-22:30 цагийн хооронд иргэдэд үйлчлэх юм байна. Мөн наадмын өдрүүдэд иргэд “Дүнжингарав”, “Мишээл экспо” худалдааны төвөөс Төв цэнгэлдэх хүрээлэн хүртэл автобусаар үнэ төлбөргүй үйлчлүүлэх боломжтой юм. Та бүхэн нийтийн тээврийн үйлчилгээтэй холбоотой санал хүсэлтээ нийслэлийн тээврийн газрын 323176, 326352 утсаар өгч болох юм байна гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.

Жич: Наадмын өдрүүдээр төв цэнгэлдэх хүрээлэн рүү ирэх чиглэлийг доорхи хүснэгтээс харна уу.

Төв цэнгэлдэх хүрээлэн орох чиглэл

д/д	Чиглэлийн дугаар	Явах чиглэл
1	М:1, 4, 6, 9, 13, 15, 16, 17, 17/б/, 18, 20, 22, 23, 25а, 26, 27, 30, 32, 35, 46, тр2, 50, 56б, Налайх, Шаргаморьт, Хужирбулан, Гачуурт, Санзай, Жигжид Баянбулаг, Гоодой/31 чиглэлийн 256 автобус/	Олимпийн гудамж, Энхтайваны гүүрээр явж “Төв цэнгэлдэх хүрээлэн” орно.
Бүгд		31 чиглэлийн 256 автобус Төв цэнгэлдэхэд орж, М:3, 7, 8, 11, 12, 14б, 19/а/, 19/б/, 33, 38, 43, 45, 51, 54, 55, Т3, Т6 –17 чиглэлийн 135 автобус “120 мянгат” –ын зогсоолд очно.
2	Дүнжингарав худалдааны төвөөс Төв цэнгэлдэх рүү богино эргэлтээр явна.	10 автобус 3 -5 минутын интервалтайгаар явна.
3	“Мишээл экспо” худалдааны төвөөс Төв цэнгэлдэх рүү богино эргэлтээр явна	5 автобус богино эргэлтээр үнэгүй явна.