Монголын бизнес инкубаторын холбоодын чуулга уулзалт Увс аймагт болж байна. Таван одтой зочид буудалд эхэлсэн тус чуулга уулзалтанд Улаанбаатар болон Монгол улсын 21 аймгаас 90 гаруй төлөөлөгчид оролцож байна.

Бизнес инкубаторын холбоо нь жилийн 5-10 сая төгрөгний орлоготой жижиг дунд аж ахуй нэгжүүдийг зээл тусламжид хамруулах, зөвлөгөө өгөх, сайн туршлагыг хуваалцах зэргээр үйл ажиллагаа явуулдаг. Манай улсад 2008 оноос эхлэн үндэс сууриа тавин хөгжиж байгаа юм.