Египетийн хүчний байгууллагынхан засгаас зайлуулагдсан Мохаммед Мурсийн хүрээний хоёр том тушаалын исламистыг баривчилжээ. Хөдөлгөөний улс төрийн жигүүр Эрх чөлөө, шударга ёс намын тэргүүн бөгөөд парламентын спикер Саад эль-Кататни, исламын хөдөлгөөний орлогч дарга  Рашад Байюми нарыг өнгөрсөн шөнө баривчилсан байна.

"Мусульман ахан дүүс" хөдөлгөөний 300 идэвхтэнг баривчлахаар хууль хяналтын байгууллагынхан зөвшөөрөл өгчээ. Долдугаар сарын 3-нд засгаас зайлуулагдсан Мурсийн оронд төрийн тэргүүний түр үүрэг гүйцэтгэгчээр Египетийн Үндсэн хуулийн цэцийн дарга Адли Мансурыг томилсон тухай  Батлан хамгаалахын сайд Абдель-Фаттах аль-Сиси мэдээлсэн байна.