УИХ-ын чуулганы хуралдаан үргэлжилж байна. Тус хуралдаанаар Үндэсний их баяр наадмын тухай хуульд нэмэлт, өөрчлөлт оруулах тухай хуулийн төслийг хэлэлцэж баталлаа. Энэхүү төслийг УИХ-ын гишүүн Р.Гончигдорж нарын гишүүдээс өргөн мэдүүлсэн юм байна. Хуулийн төслийг нийт гишүүдийн 69 хувийн саналаар дэмжиж, төрийн байгуулалтын байнгын хорооны хуралдаанд шилжүүллээ.

Үүний дараа Хуульчийн эрх зүйн байдлын тухай хуульд нэмэлт, өөрчлөлт оруулах тухай, Нөхөрлөлийн тухай хуульд нэмэлт, өөрчлөлт оруулах тухай, Татварын мэргэшсэн зөвлөх үйлчилгээний тухай хуульд өөрчлөлт оруулах тухай, Татварын мэргэшсэн зөвлөх үйлчилгээний тухай хуулийг дагаж мөрдөх журмын тухай хуульд өөрчлөлт оруулах тухай хуулийн төслүүдийг хэлэлцэх эсэхийг хэлэлцлээ. Дээрхи төслүүдийг Хууль зүйн байнгын хорооны хуралдаанаар хэлэлцээд олонхи нь дэмжсэн байна. Асуулт, санал дүгнэлт байхгүй учраас санал хурааж 71 хувийн саналаар дэмжиж,  Хууль зүйн байнгын хорооны хуралдаанд анхны хэлэлцүүлэгт шилжүүллээ.