“МИАТ” ТӨХК-нд гүйцэтгэх захирлаар ажиллаж байсан Б.Эрдэнэбилэг, Р.Бат-Эрдэнэ, Ц.Орхон, Коммер эрхэлсэн дэд захирлаар ажиллаж байсан Ч.Хоролсүрэн нарт холбогдох эрүүгийн хэрэгт Нийслэлийн прокурорын газраас яллах дүгнэлт үйлдэж, Баянзүрх дүүргийн шүүхэд шилжүүлэн таслан шийдвэрлэсэн билээ.

Шүүхийн шийтгэх тогтоолоор нийт зургаан шүүгдэгчийн гэмт хэрэг үйлдэж олсон орлого болох банкинд хадгалагдаж байсан 4 сая 307 мянган ам.доллар, 11 тэрбум 345 сая төгрөг, 22 компанийн хувьцаа, 14 орон сууц, 6 автомашинийг хурааж улсын орлого болгохоор шийдвэрлэсэн байна. Мөн түүнчлэн “МИАТ” ТӨХК-иас завшсан төгрөгийг Б.Эрдэнэбилэг, Р.Бат-Эрдэнэ, Ц.Орхон, Ч.Хоролсүрэн, Ч.Суурьтогтох, Г.Саранчимэг нараас хувь тэнцүүлэн гаргуулахаар болжээ.