МАН-ын “Шинэчлэе” хөдөлгөөнийхөн хуралдаад Ерөнхий зохицуулагчаараа УИХ-ын гишүүн Ж.Эрдэнэбатыг томилсон байна. Авлигач ах нараасаа салж, намаа цэвэрлэх хүн нь хамгийн цэвэр байх ёстой гэж үзсэн шинэчлэгчид ийн 2008-2012 онд Сэлэнгэ аймгийн Засаг даргаар томилогдон ажиллаж байгаад УИХ-д орж ирсэн түүнийг хамгийн “цэвэрхэн”-ээрээ тодруулсан бололтой.

УИХ-ын залуу гишүүн Ж.Эрдэнэбат өнгөрсөн оноос намдаа жигүүр байгуулах асуудлыг тавьж байсан бөгөөд намынхаа удирдлагуудын үйл ажиллагааг шүүмжилсэн шаардлага хүргүүлж байсан удаатай. МАН-ын “Шинэчлэе” хөдөлгөөний манлайлагчид дунд Н.Номтойбаяр, О.Содбилэг, Т.Аюурсайхан, Л.Оюун-Эрдэнэ, Ж.Мөнхбат нарын гол “тоглогчид” байгаа ч тэд ийн шинэ гишүүнээр өөрсдийгөө удирдуулахаар шийджээ. Бодвол тэдэнд далд нэг бодол байгаа байлгүй дээ.