УИХ-д “нялх” нэр зүүсэн ч шаггүй дайчин нэр зүүгээд байгаа МАН-ын гишүүн Н.Номтойбаяр өнөөдөр тун ч зоримог мэдээлэл хийлээ. Тэрээр МАН-ын “Шинэчлэгч” хөдөлгөөний залуусын хамт одоогийн удирдлагууд болон намын “ахмад” гишүүдээ “АТГ-т шалгуулах”-ыг уриалав.

МАН-ын нэр хүнд унаж, ард түмэн итгэхээ больсон нь авлига, албан тушаалын хэрэгтэй холбоотой гэж бодож байгаагаа Н.Номтойбаяр гишүүн илэрхийлээд, “МАН-ын гишүүд өөрсдөө очоод АТГ-т шалгуулчих хэрэгтэй. Үнэхээр гэм буруугүй юм бол зориг гаргаад  шалгуулчих л даа” хэмээн том дугарна лээ. Тэрээр мөн шалгуулах уриалгадаа АН-ын “акулууд”-ыг ч багтаагаад амжсан юм.

Н.Номтойбаяр гишүүний хэлснээр авлига аваагүй бол өөрийн хүсэлтээр очоод шалгуулчих  зоригтой гишүүд МАН, АН-д хэд байдаг юм бол.