Монгол Улсын иргэний үнэмлэхийг цахим үнэмлэхээр солих тухай яригдаж байгаа. “Ухаалаг үнэмлэх” буюу цахим үнэмлэх нь тухайн бие хүний хурууны хээ, гэмт хэрэгт холбогдож байсан байдал, нас хүйс, гэр бүлтэй эсэх зэрэг талаар өргөн мэдээлэл агуулж байх юм.

Цахим үнэмлэхтэй болгох тухай тогтоолын төслийг Улсын бүртгэлийн Ерөнхий газрын холбогдох албан тушаалтнууд Тэргүүн шадар сайдад хүргүүлжээ. Харин энэ асуудал өнөөгийн байдлаар Засгийн газрын төвшинд яригдаж байгаа бөгөөд шинэ он гараад иргэний үнэмлэхийг солих ажлыг эхлүүлэхээр Тэргүүн шадар сайд Н.Алтанхуяг ажиллаж байгаа аж.