Германы автомашин үйлдвэрлэгч Mini болон хамгийн тансаг зэрэглэлийн автомашин үйлдвэрлэгч Rolls-Royce нар хамтран нэгэн авто загварыг бүтээснээ Шанхайн авто үзэсгэлэн дээр танилцуулжээ. Энэхүү загварыг хамгийн сайн чанарын материал, супер дизайнаар уран, чадварлаг инженерүүдийн баг бүтээсэн бөгөөд Rolls-Royce болон Mini-ийн ерөнхий дизайныг хослуулсан бүтээгдэхүүн болж чадсан байна.

Уг автомашины хянах самбарын эргэн тойрон, хаалганы бариулны хэсгийг хуш мод болон хар савхиар бүрж, Rolls-Royce-ийн хэв загвар бүхий хул шар өнгийн савхиар суудлыг бүрсэн байна. Харин дээвэр нь ноолууран доторлогоотой гэнэ. Шинэ загвар нь Mini Cooper-тэй ижил 1,6 литрийн, 4 цилиндртэй хөдөлгүүртэй юм байна. Хоёр үйлдвэрлэгчийн хамтран бүтээсэн загвар ердөө 1000 ширхэг үйлдвэрлэгдэж, зах зээлд 50,000 фунт стерлингээр худалдаалагдах ажээ.

Зургийн цомгийг энд дарж үзнэ үү.