Не Хайшэн, Чан Сяогуан ба Хятадын түүхэнд хоёр дахь сансрын нисгэгч эмэгтэй Ван Япин нарын “хөлөглөсөн” сансрын хөлөг Өвөрмонголын нутагт орон нутгийн цагаар 08.06-д төлөвлөсний дагуу амжилттай газардсан байна.

Хятадын жолоодлогот сансрын хөлөг «Шэньжоу-10» зургадугаар сарын 13-нд Зюцюанийн сансрын хөлөг хөөргөх талбайгаас нисчээ. Уг нислэгийн гол зорилго нь дэлхий орчмын тойрог замд байгаа «Тяньгун-1» модультай залгагдах явдал байлаа. Нислэгийн явцад залгалтыг автоматаар болон гар удирдлагаар хоёр удаа хийсэн байна.

«Шэньжоу-10» хөлгийн нислэг нь Хятадын түүхэнд зургаа дахь жолоодлогот сансрын нислэг бөгөөд хамгийн удаан үргэлжилснээрээ онцлогтой юм.

Бэлтгэсэн Ш.МЯГМАР