Монгол Улсын Ерөнхийлөгчийн сонгуульд өөрийн биеэр санал өгөх боломжгүй болон түр саатуулагдаж байгаа иргэд өчигдөр 09.00-20.00 цагийн хооронд зөөврийн хайрцгаар санал өгсөн. Зөөврийн хайрцгаар нийт 24022 сонгогч саналаа өгөхөөр бүртгүүлсэн бөгөөд 22 мянга орчим сонгогч саналаа өгсөн байна.

Мөн гадаад улсад ажиллаж, амьдарч байгаа иргэд саналаа өгсөн байгаа. Зөөврийн хайрцгаар санал өгсөн, гадаадад байгаа иргэдийн саналуудыг нэгтгэн өнөөдөр санал хураалт дуусмагц 22.00 цагаас эхлэн тоолж эхлэх юм.