Монгол Улсын Ерөнхийлөгчийн сонгуулийн санал хураалт маргааш болох бөгөөд 07.00-22.00 цагийн хооронд санал хураалт үргэлжилнэ. Монгол Улсын төрийн гурван өндөрлөг хаана саналаа өгөх тухай мэдээллийг хүргэе.

Монгол Улсын Ерөнхийлөгчийн сонгуульд нэр дэвшигч, одоогийн Ерөнхийлөгч
Ц.Элбэгдоржийн хувьд маргааш 11.40 цагаас Орос III дунд сургууль дээр
саналаа өгөх юм байна. Харин Засгийн газрын тэргүүн Н.Алтанхуяг Сонгинохайрхан дүүргийн 83 дугаар дунд сургууль дээр байрлаж буй сонгуулийн хэсэгт 10.10 цагт саналаа өгөх бол УИХ-ын дарга З.Энхболд Сүхбаатар дүүрэг буюу бидний нэрлэж заншсан Хүүхдийн 100-д байрлах 45 дугаар сургуульд 11.00 цагт очиж, саналаа өгөх юм байна.