“Номин” гэх таван үсгийг Монголын брэнд болгосон УИХ-ын гишүүн асан А.Шагдарсүрэн болоод түүний ууган хүү Ш.Баярсайханы амжилт, алдрын тухай үлгэр домог мэт урт түүх хөвөрдөг. Монголын бизнесийн ертөнцөд чадварлаг “танц” гишгэж, толгой хөрөнгөтнүүдийн нэг болсон Ш.Баярсайханы гэргий эгэл хэрнээ эрхэмсэг энэ хатагтайг О.Ганчимэг гэдэг. Эр нөхрийнхөө бизнест төдийгөөс өдий хүртэл ханцуй шамлан хамтран зүтгэж ирсэн “Номин”-гийн тэргүүн хатагтай бяцхан гүнжээ дагуулан балет үзэж яваад бидэнд “олзлогдлоо”. Ер нь ноён Ш.Баярсайхан, О.Ганчимэг хатагтай нар сонгодог урлагт гар татдаггүй бөгөөд өөрсдөө ч чамгүй авьяастай гэнэ лээ.