Латвийг евро бүсэд элсүүлэхэд нь Еврогрупп ногоон гэрэл өгөв. Евро бүсийн орнуудын Сангийн сайд нар Латвийг валютын холбоонд авах нь зүйтэй гэж үзлээ.

Европын валютын холбооны  орнуудын Сангийн сайд нар Люксембургт зургадугаар сарын 20-нд уулзахдаа Латви улсыг 1914 оны нэгдүгээр сарын 1-нээс евро бүсийн гишүүн болгох зөвлөмжийг Европын холбооны орнуудын лидерүүдэд санал болгожээ. Хоёр сая хүн амтай тус орон Маастрихтийн гэрээний бүхий л заалтыг биелүүлэн мөрдөж байгаа учраас  валютын холбооны 18 дахь гишүүнээр нь элсэх боломжтой болжээ.

Европын холбооны төр, засгийн лидерүүд зургадугаар сарын 27-28-ны өдрүүдэд Брюссель цугларан уулзахдаа энэ асуудлын шийдвэрийг гаргана. Төгсгөлийн шийдвэрийг ЕХ-ны орнуудын Сангийн сайд нар долдугаар сарын 9-нд гаргах ёстой.

Евро холбооны өрийн хямралын хэдэн жилийн дараа евро мөнгө дахин сонирхолтой болж буйг энэ явдал гэрчилж байна хэмээн шинжээчид дүгнэв.