Өмнөговь аймгийн Статистикийн хэлтсээс хүнсний болон өргөн хэрэглээний гол нэрийн барааны дундаж үнийг 7 хоногийн давтамжтайгаар судалж байгаа. 2013 оны 06 сарын 19-ны өдрийн байдлаар судалж буй 12 нэр төрлийн бараа, бүтээгдэхүүний үнийг өмнөх долоо хоногийн үнэтэй харьцуулахад мах, элсэн чихэр, гурилны үнэ тогтвортой байна. Тухайлбал, хонины мах 7800, ямааны мах 7000 төгрөгөөр, адууны мах 6500 төгрөгөөр худалдаалагдаж байна. 

Мөн малын шингэн сүүний үнэ дунджаар 2000 төгрөг, элсэн чихрийн үнэ дунджаар 1766.7 төгрөг, цагаан будааны үнэ дунджаар 1766.7 төгрөг, алтан тариа 1-р гурил 900 төгрөгөөр худалдаалагдаж байна. Харин сүүний үнэ өмнөх мөн үетэй харьцуулахад 13.1 хувиар буурсан  байна.

Энэ долоо хоногийн байдлаар Өмнөговь аймагт бензин дунджаар А-80 1630 төгрөг,  бензин АИ-92 1850 төгрөг, дизелийн түлш 1870 төгрөгийн үнэтэй худалдаалагдаж байгаа нь өмнөх мөн үеийнхтэй харьцуулахад тус бүртээ 50 төгрөгөөр буурсан байна.

2013 оны 06-р сарын 19-ны өдрийн байдлаар дунджаар 1 кг ямааны цагаан ноолуурын үнэ 58000 төгрөгийн үнэтэй худалдаалагдаж байгаа нь өмнөх мөн үеийнхтэй харьцуулахад 6.5 хувиар буурсан байна гэж аймгийн Статистикийн хэлтсээс мэдээлэв.